1.2020-2021 үөрэх дьылыгар, кыра бөлөххө уопсайа 2-тэн – 4 диэри саастаах 18 кырачаан сылдьар. Иитии-үөрэтии үлэтэ сыллааҕы былаан быһыытынан ыытыллан иһэр. Төһө да хааччах кэмэ буолтун иһин төрөппүттэрбитин кытта көмөлөөн, ыытыллар тэрээһиннэрбитин сэргэхтик ыыталыы сатыыбыт.
2.Ол курдук “Көмүс күһүн” тэрээһинигэр, “Краски осени” Российскай күрэскэ, айылҕа матырыйаалытттан оҕолор төрөппүттэрин кытта оҥорон, 4 үлэни ыытан бастакы миэстэ ылбыппыт.
3. “Сомоҕолоһуу күнүн” оҕолор араас омуктар буолан, онно сөптөөх эйгэлэри тэрийэн, араас норуот оонньуутун оонньоон олус сэргэхтик ааспыта.
4.Байанайбыт ыйын түмүгэр кырачааннар куобахчааннар буолан үҥкүүлээн, илимтэн собо хомуйан, араас булка сыһыаннаах оонньуулары оонньоон астыммыттара ахан.
5.Саҥа дьыл оҕо аймах олус таптыыр, күүтэр күндү кэмэ. Төрөппүттэрбит хаар оҥоһуктары оҥорон, Хаар киһилэри дьиэ киэргэтиитигэр анаан бары оҥорбуттара бырааһынньыкпытын киэргэппитэ. Кырачаанар Тымныычаан Эһээлэрэ кэлэн иһэрин түннүгүнэн көрөн, араас мааска буолан ыллаан-туойан, кэһии тутан үөрүүлэрэ үксээбитэ.
6.Эргэ саҥа дьылга сыл аайы остуоруйа туруорабыт, урукку өттүгэр төрөппүттэр туруорар эбит буоллахтарына, быйыл үлэөиттэр “Дьиэ-дьиэчээн” остуоруйаны көрдөрдүбүт. Харыйа тула хоробуоттаан, оҕолор ырыа-хоһоон толордулар.
7.Маны таһынан “Ийэ тыл, сурук-бичик” күнүгэр хоһоон ааҕан, ырыа ыллаан , мээрикээн эргитэн күрэстэһэн, түмүгэр үлэһиттэр “Таал-Таал” остуоруйаны оонньоон көрдөрдүбүт.
8.“Аҕа дойдуну көмүскээччи күнүгэр” – төрөппүттэрбит “Байыаннай техника” араас матырыйаалтан оҥорон бэртээхэй быыстапка туруордулар. Оҕолор мотуруос буолан “Кырачаан саллааттар” аралдьыйыы ыыттыбыт.
9. Маны барытын устан, хаартыскаҕа түһэрэн төрөппүттэрбитигэр тириэрдэбит.
